DAP deka ngatur pengerami Makai Malam 14 April tu

KUCHING: Pemantu khas sekretari nengeri parti DAP Mordi Bimol udah nebah numbuhka pampang Tasik Biru parti DAP .

Iya madahka AGM udah diatur kena 19 Februari tu tadi nyerumba pampang nya ke ngatur pengerami Makai Malam ungkup sitak Mas Gading kena 14 April, 6.30 lemai ba SK Jenny Restaurant, Kampung Sg Pinang, Bau.

Iya madah, ba pengerami Makai Malam nya semua pengari DAP Kuching deka bejaku nyengkaum Chong, ADUN Pending Yong, ADUN Padungan  Wong King Wei enggau  ADUN Batu Kawah Christina Chiew Wang See.

“Pengerami nya sebengkah ari perambu kami deka mai rayat ba sitak Mas Gading bekelala enggau DAP sereta dikena ngumpul wang turu ungkup DAP Tasik Biru,” ku Mordi ba aum  media kemari.

Iya madah, pengerami nya ungkup semua orang lalu tikit ke berega RM300 enggau RM500 semija udah tau dibeli. Bisi 80 mija udah disendiaka ungkup pengerami nya.

Sapa ke bisi ati deka ngulu pengerami tu ulih betelefon ngagai Mordi (016-8947974), Liew Thiam Choi (010-9721791) tauka  Clarissa Chai (016-8990377)