MIRI: Agi mayuh Orang Nyelai Pengelandik (OKU) di nengeri tu enda
sedar sida tau nerima bantu RM300 ari perintah taja pen sida bekereja
enti gaji kurang ari RM830.
Aktivis Sosial, Zain Syed Modzar
madah, semina mimit aja raban tu bisi nerima bantu lalu mayuh agi ti
enda nemu taja pen sida patut nerima bantu nya.
“Kitai minta raban
OKU sekalika sida bisi pengawa tauka enda datai ngambi bantu RM300
sebulan nengah ijinsi perintah iya nya Opis Pengelantang Raban Bansa (
JKM),” ku iya ngerandau Utusan Borneo kemari.
“Kitai ngansak
penyaga tauka apai indai ke bisi anak OKU ngambika sida enda malu datai
nganjung peminta ngagai perintah laban kitai enggai meda sida tu enda
bulih bantu ke sepatut iya dipenggi ke sida,” ku iya.
Kelimpah ari
raban OKU iya madah, orang tuai mega ulih minta bantu indah perintah
udah ngungkup bantu khas ngagai semua orang tuai ke patut nerima Bantu
Rayat 1Malaysia (BR1M).
“Enti sida nerima BR1M, sida mega patut
ulih nerima RM300 tang aruh ngaga peminta nengah JKM. Kitai ngarapka
JKM enda bebelit lebuh ti ngatur peminta sida,” ku terang iya .
Berebak
enggau nya mega iya ngelalau ijinsi perintah ngambi singkang ke
proaktif lalu semampai betemu enggau rayat ke begunaka bantu sida.
“Enti
rayat enda ulih ngenataika diri ke opis sida, JKM mega tau datai betemu
enggau rayat ngambika rayat ulih mantai penanggul sida,” ku terang iya.
No comments:
Post a Comment
Komen anda tanggungjawap anda